በቶም ልዕል ኢሎም ዝተረዘርዘሩ ምኽንያታትን፣ ምምዕባል ማሕበር ኢኮኖሚያዊ ባህግናን ንምስኻዕ፤ ኣብቲ ማሕበር ለውጢ ናይ ኣወዳድባን ኣሰራርሓን ንምግባር ኣብ ዝብል ኣብ ስምምዕ ተበፂሑ ኣሎ። ኣብዚ ክፍለጥ ዘለዎ፣ ማሕበር ተጋሩ ስዊድን ናይ ኣወዳድባ ቕርፂ ለውጢ ደኣ ይግበር ኣሎ እምበር፣ ማሕበር ናይ ምፍራስ ወይ ሓዱሽ ማሕበር ናይ ምምስራት ፈፂሙ ኣይኾነን። 

1. ንኣብቲ ኮሚቴን  ነቲ ኮሚቴ መማኸርን ግምጋሚን ኮይኑ ይሰርሕ ዝጸንሐ ዓበይ ኮሚቴን   ኣብቲ ማሕበረሰብን  ድሕሪ ብዙሕ ህዝባዊ ምይይጥን ክትዕን:  ከም ውፅኢት ናይዚ መጽናዕቲ ማሕበር ተጋሩ ስቶክሆልም ብዕለት 2023 - 05 - 21 ኣብ ባጋርሞሰን ኣብ ዝተገበረ ናይ ኣመራርሓ መረፃ ብዕሊ ተመስሪቱ ብዕለት 2023 - 12 - 02  ኣብ ቴሌፎን ፕላን ሕገ ደንቡ ኣጽዲቁ ብዕለት 2024 - 02 - 02 ድማ ኣብ ኤጀንሲ ቀረፅ ( skatteverket) ስዊድን ሕጋዊ ኣፍልጦ ተዋሂብዎ ተመዝጊቡ ኣብ ሓጺር ግዜ ውጽኢታዊ ስራሕቲ እናሰርሐ ይርከብ።
2. ማሕበር ተጋሩ ስዊድን ነባር ሕገ ደንቡ ብዝፈቐዶ መሰረት ናይ ቕርፅን ኣሰራርሓን ለውጢ ከፅድቕ፣ ናይ ንብረትን ዶክመንትን ርክክብ ብሕገ ደንቡ መሰረት ካብ ነባር ኣመራርሓ ናብ ሓደሽቲ ኣመራርሓ ክፍፅም ትፅቢት ይግበር። ንሱ ድማ እቲ ነባር ኣምራርሓ ኩሎም ንብረታት፤ ዶኩመንትታትን ብጠቅላላ ሃፍተ ገነት ማሕበር ተጋሩ ስዊድን ንቲ ብዕለት 2024 - 01- 26 ዝተመረጸ ግዝያዊ ኣመራርሓ ማሕበር ተጋሩ ስዊድን ናይ መወዳእታ ርኽኽክብ ክገብርን ነባር ኣመራርሓ ሙሉእ ብሙሉእ ካብ ስራሕቲ ማሕበር ተጋሩ ስዊድን ንጻ ኸውንን ነዚ መጽናዕቲ እናገበር ዝፀንሐ ኮሚቲ ድማ ብዕሊ ከፋኑን ትፅቢት ይግበር።

1. ሓዱሽ ቕርፂ ማሕበር ተጋሩ ስዊድን፥ ኣብ በቢ ዞብኡ ናይ ዘለዋ ትግራዋይ ብትግራዋይነቱ ጥራሕ መሰረት ገይረን ወዲበን ዝንቀሳቀሳ ዘለዋ ማሕበራት ናይ ማሕበራት ናይ ሓባር መድረኽ (Förbund) ንክኾን ተኣሚንሉ ኣሎ። እዚ ድማ ምስቲ ህልው ኹነታት ናይ ተጋሩ ማሕበራት ኣብ ስዊድንን፣ ማሕበረሰብ ተጋሩ ኣብ ስዊድን ባህጎምን ድልየቶም ዘሳኽዕሉ ኣወዳድባ ክኾን ካብ ዝብል እዮ።

1. ማሕበር ተጋሩ ስዊድን ዓንዲ ዝበሃሉ እሴታት ዘለውዎ ኮይኖም፣ እቶም ዋና ዋና እዞም ዝስዕቡ እዮም፥፥

1. ተጋሩ ብዓርሰ ፍቓዶም ዝውደብሉ፣ ካልኦት ናይ ክብሪ ኣባላት ክህልው ዝፈቅድ፣
2. ካብ ሃይማኖትን ፖሊቲካን ተፅዕኖ ኮነ ኣድላውነት ነፃ ዝኾነ፣
3. ብናይ ስዊድን ሕጊ ዝግዛእ

ስለ ትርጉም እዞም ዓንድታት ብዙሕ ምባል ኣድላይ ኣይኾነን። ምኽንያቱ ንኹሉ ዘረዳድኡ ወድዓዊ ነጥብታት እዮም። ሓደ ማሕበር ንእሴታቱን ንዓላምኡን እዩ ዝነብር። ዕላማታት ንምስኻዕ እሴታት ብዘይንክእ መንገዲ ምስ ካልኦት ማሕበራት ሓቢሩ ይሰርሕ። ዕላምኡ ኣብ ዝዓፀፈሉ እዋን ወይ እሴታቱ ኣብ ዝረገፀሉ እዋን ሃለዋቱ ኣብ ሕቶ ይወድቕ። ኣባላት እዚ ማሕበር እውን ነዚ ዕላማ ንምስኻዕ በቶም እሴታት ዝኣመኑ ክኾኑ ኣለዎም። ትርጉም እቶም እሴታት እቶም ኣባላት ውልቀ ሰባት ክኾኑ ተለዉን፣ ማሕበራት ከም ኣባላት ክሕቆፋ ተለዋን ፈላሊኻ ምፍላጥ ኣድላይ እዩ። 

በዚ መሰረት ዝኾነት ትኹን ናይ ተጋሩ ዞባዊ ማሕበር ወይ ድማ ፍሉይ ድልየት መሰረት ገይራ ዝተመስተት ማሕበር፤ ነዞም ዓበይቲ ዓንድታት እስካብ ዘማለአት ኣባል ክትኮን ትኽእል እያ። ናይ ኣባልነት ኸይዲ ኣፈፃፅማ፤ እታ ማሕበር ናይ ኣባልነት ሕቶ ብምቕራብ ዝጅመር ኾይኑ፣ ኣብ ዘይኣመነትሉ እውን ካብቲ ማሕበር ኣፍሊጣ ክትወፅ እ ትኽክእል። ኣብዚ ኸይዲ ዝህልው ናይ ግቡእ/መሰል፣ ኦዲትን ቑፅፅርን ብሕገ ደንብ እቲ ማሕበርን  ሕጊ ስዊድንን ዝፍፀም ይኸዉን። እቲ ማሕበር ነተን ዞባዊ ማሕበራት ንስራሕተን ሰለጤን ዝኾን ኣሰራርሓታትን፣ ናይ ሃፍቲ ምንጭታትን ከም ማእኸል መተሓባበሪ ኾይኑ ይሰርሕ እምበር ነፃነት እዘን ውዳበታት ብዝዳፋእ ኣብ ውሽጠን ኢዱ ኣእቲዉ ክሰርሕ ኣይፍቐደሉን። ክስመረሉ ዝግባእ ኣባአላት ናይዚማሕበር ዝኮና ማሕበራት ሙሉእ ዘይጉድል ነፃነት ዘለወን ብሕገ ደንበን መሰረት ዝንቀሳቐሳን ማሕበራት ኮይነን ክጥንክራ እዚ ማሕበር ይኣምንን ይሕግዝን። እዚ ማሕበር ብግለን ከድመዐኦ ዝፅግመን ጉዳይ ምስ መዘና ማሕበራተረ ኮይነን ዓበይቲ ስራሕቲ ንኽሰርሓ ዕድላት ዝፈጥር መድረኽ (Platform) ድኣምበር ዘለወን ነፃነት ኮነ ኣፍልጦ ዝጉዕፅፅ ኮነ ዝሻመ ክኸውን የብሉን።